پی سی بی نے ویمن نیشنل کپ کے باقی میچز منسوخ کردیے

پاکستان کرکٹ بورڈ (پی سی بی) نےکہا ہے کہ ویمن نیشنل ون ڈے کپ کے باقی راؤنڈ میچز نہیں ہوں گے۔ قومی ویمن ون ڈے ٹورنامنٹ کے باقی میچز منسوخ کردیے اور کہا کہ کراچی کے مقامی ہوٹل میں آگ لگنے کے بعد ٹورنامنٹ مختصر کیا گیا ہے۔ق ویمن ون ڈے ٹورنامنٹ میں باقی راؤنڈ کے میچ نہیں ہوں گے، ابتدائی 4، 4 میچز کے بعد 2 ٹاپ ٹیمیں انونسیبل اور اسٹارز فائنل کھیلیں گی۔ ویمن نیشنل ون ڈے کپ کے فائنل کی تاریخ اور وینیو کا فیصلہ بعد میں کیا جائے گا۔ ٹورنامنٹ مختصر کرنے کا فیصلہ پلیئرز کی صحت اورحفاظت کےلیے کیا، کسی دوسرے معیاری ہوٹل میں درکار 100 کمرے دستیاب نہیں تھے۔ پیر کو مقامی ہوٹل میں آگ لگنے کے واقعے میں کسی کھلاڑی کو نقصان نہیں ہوا، آگ لگنے کے وقت چار ٹیمیں میچ اور ایک ٹیم پریکٹس میں مصروف تھی۔