آلودہ ترین شہروں میں لاہور آج بھی سرفہرست

پنجاب کے مختلف شہروں میں فضائی آلودگی میں خطرناک حد تک اضافہ ہوگیا۔صوبائی دارالحکومت لاہور فضائی آلودگی کے اعتبار سے دنیا میں پہلے نمبر پر ہے، شہر میں سموگ کی اوسط شرح 753 تک جا پہنچی ہے۔لاہور کے مختلف علاقوں ڈی ایچ اے فیز 8 کا ایئر کوالٹی انڈیکس 1391، امریکی قونصلیٹ کا 860 جبکہ مال روڈ کے علاقے کا ایئر کوالٹی انڈیکس 806 ریکارڈ کیا گیا ہے جبکہ عسکری 10 کے علاقے کا اے کیو آئی 725 تک جا پہنچا ہے۔ اس کے علاوہ ملتان کا اے کیو آئی 527 ریکارڈ کیا گیا، اسلام آباد 226 اور راولپنڈی کا ایئر کوالٹی انڈیکس 248 کو چھوگیا ہے۔فضا میں زہریلے ذرات کے باعث شہریوں کو سانس لینے سمیت کئی بیماریوں کا سامنا کرنا پڑ رہا ہے۔