اسموگ اور دھند میں اضافہ، متعدد موٹرویز ٹریفک کے لیے بند

اسموگ اور دھند میں اضافے کی وجہ سے موٹروے ایم 4 پنڈی بھٹیاں سے عبدالحکیم تک بند کردی گئی۔ دھند اور اسموگ کی وجہ سے موٹروے ایم 2 لاہور سے کوٹ سرور تک کردی گئی۔ترجمان موٹروے پولیس کا کہنا ہے کہ ڈرائیورز دن کے وقت سفر کو ترجیح دیں۔ دھند کے موسم میں صبح 10 سے شام 6 بجے تک سفر کا بہتر ین وقت ہوتا ہے، ڈرائیورز گاڑی کے آگے اور پیچھےدھند والی لائٹس بھی استعمال کریں۔

دوسری جانب لاہور میں اسموگ کی صورتحال آؤٹ آف کنٹرول ہے، اس وقت بھی دنیا کے آلودہ ترین شہروں میں پہلے نمبر پر ہے۔