rehber Logo

ٹرین کی پٹریوں کی صفائی میں مصروف 4  مزدور ٹرین کی زد میں آکر موت کے منہ میں چلے گئے۔بھارتی میڈیا کے مطابق یہ واقعہ ریاست کیرالہ کے ضلع پالکڑ میں پیش آیا، جہاں 2 خواتین سمیت 4 صفائی کرنے والے مزدور اپنے فرائض انجام دے رہے تھے۔مزدوروں کی موت اس وقت ہوئی جب وہ پٹری کی صفائی کر رہے تھے کہ تیز رفتار ٹرین کیرالہ ایکسپریس آگئی جس کی زد میں آکر 4 مزدور ہلاک ہوگئے۔اس حوالے سے انتظامیہ کی جانب سے بتایا گیا ہے کہ ٹرین کیرالہ سے دارالحکومت نئی دہلی کی جانب گامزن تھی، 3 مزدوروں کی لاشوں کو جائے وقوعہ سے برآمد کیا گیا ہے جبکہ چوتھے افراد کی تلاش جاری ہے جس کے حوالے سے خیال کیا جا رہا ہے کہ شدید اس نے بھرتھ پوزا دریا میں چھلانگ لگا دی تھی۔