سیمی فائنل میں آسٹریلیا کو شکست،پاکستان ہانگ کانگ سپر سکسز کے فائنل میں پہنچ گیا

سپرسکسز کے سیمی فائنل میں آسٹریلیا کو شکست دے کر پاکستان فائنل میں پہنچ گیا۔ ہانگ کانگ میں کھیلے جارہے سپرسکسز کے سیمی فائنل میں پاکستان نے آسٹریلیا کو 4وکٹ سے شکست دیدی،آسٹریلیا نے پہلے بیٹنگ کرتے ہوئے 6اوورز میں 1وکٹ کے نقصان پر 107رنز بنائے۔گرین شرٹس نے 108رنز کا ہدف آخری اوور میں حاصل کرلیا،آصف علی نے دھواں دھار بیٹنگ کرتے ہوئے 8گیندوں پر 32رنز بنائے،محمد اخلاق نے 10گیندوں پر 32رنز بنائے،عامر یامین 24اور فہیم اشرف 19رنز بنا کر ناقابل شکست رہے۔