سری لنکااے کو شکست، افغانستان اے نے پہلی مرتبہ ایمرجنگ ٹی ٹوئنٹی ایشیاءکپ جیت لیا

افغانستان اے نے سری لنکا کو شکست دے کر ایمرجنگ ایشیا ءکپ جیت لیا۔فائنل میچ کا ٹاس سری لنکا اے نے جیتا اور پہلے بیٹنگ کرنے کا فیصلہ کیا، سری لنکا اے نے مقررہ اوورز میں 7 وکٹوں کے نقصان پر 133 رنز بنائے۔ایک موقع پر سری لنکا اے کی آدھی ٹیم 65 رنز پر آؤٹ ہوگئی تھی ، اس موقع پر ساہان نے ناقابل شکست 64 رنز بنائے اور ٹیم کا سکور 133 رنز تک پہنچا دیا۔جواب میں افغانستان اے کا آغاز بھی اچھا نہ تھا ، پہلی ہی گیند پر زبید اکبری کلین بولڈ ہوگئے لیکن صدیق اللہ اتل کے شاندارناقابل شکست 55 رنز کی بدولت افغانستان اے نے مطلوبہ ہدف11 گیندوں قبل 3 وکٹوں کے نقصان پر حاصل کرلیا۔