rehber Logo

بھارت کی ریاست گجرات کے پوربندر ائیرپورٹ پر بھارتی کوسٹ گارڈ کا ہیلی کاپٹر دورانِ ٹریننگ گر کر تباہ ہوگیا، حادثے میں عملے کے تین ارکان بشمول دو پائلٹ اپنی جان سے ہاتھ دھو بیٹھے۔بھارتی کوسٹ گارڈ حکام نے ہلاکتوں کی تصدیق کرتے ہوئے کہا ہے کہ حادثے کی وجوہات کی تحقیقات شروع کردی گئی ہیں۔سرچ آپریشن کے لیے بھیجی گئی ٹیم کو کچھ ہی دوری پر ہیلی کاپٹر کا ملبہ مل گیا۔ ملبے سے تین لاشیں اور دو زخمیوں کو نکالا گیا۔بھارتی کوسٹ گارڈ کے ترجمان نے بتایا کہ واقعے کی تحقیقات کی جا رہی ہیں تاہم ابتدائی طور پر لگتا ہے کہ ہیلی کاپٹر کو حادثہ فنی خرابی کے باعث پیش آیا۔

یاد رہے کہ اس سے قبل 2021 میں ایسے ہی ایک حادثے میں بھارتی چیف آف ڈیفنس اسٹاف جنرل بپن راوت سمیت 13 افسران ہلاک ہوگئے تھے۔