نوشہرو فیروز: کار اور ٹریلر کی ٹکر، 1 ہی خاندان کے 6 افراد جاں بحق

نوشہرو فیروز میں ٹریلر اور کار کی ٹکر سے ایک ہی خاندان کے 6 افراد جاں بحق اور 1 شخص زخمی ہو گیا۔پولیس حکام کے مطابق حادثہ نانگو شاہ کے قریب قومی شاہراہ پر پیش آیا، جس میں تیز رفتاری کے باعث ٹریلر اور کار میں ٹکر ہو گئی۔کار سوار 6 افراد موقع پر جاں بحق ہو گئے، جبکہ ٹریلر ڈرائیور زخمی ہو گیا۔ لاشوں اور زخمی کو اسپتال منتقل کر دیا گیا ہے، کار سوار افراد لاڑکانہ سے کراچی آرہے تھے۔